尖沙咀 黃金の奧義精緻Omakase

之前同去咗位於尖沙咀一間重新開既鮨店食廚師發辦，呢個鮨店既位置係一條巷仔到，距離地鐵站都要行幾分鐘左右，店內只有約十個吧枱座位可以直接欣賞全個製作過程，全晚既服務都非常好，好滿足既廚師發辦體驗。 「御・舞」 $1988/位 先付 ▪️穴子苗-穴子苗即係海鰻bb，口感滑溜溜好得意 ▪️慢煮鮑魚- 慢煮鮑魚好腍唔靭 ▪️目光魚- 第一次食目光魚，炸得好脆，似平時佐酒小食 刺身 ▪️針魚冷麵 好特別既第一道刺身，針魚一絲絲咁，做到好似冷麵咁，針魚肉質都比較爽實，加咗啲芽蔥，連個醬汁都可以飲 ▪️小長井真蠔 都幾鐘意食既一款生蠔，食之前會刨少少檸檬冰去調味，食落冰冰涼涼，檸檬冰提升鮮味，呢款蠔食落唔算特別爽口，但鐘意佢夠晒鮮甜 ▪️鮫鰈 鮫鰈魚油脂比較豐富，燒一燒會更香，加咗啲紫蘇花同柚子胡椒酸汁調味 ▪️栗蟹 呢份有蟹腳同蟹身既蟹肉，蟹肉加咗啲檸檬皮，食到原本蟹既鮮味，最後先食蟹膏豆腐 ▪️黑目魚 依家既黑目魚會比較大條，火炙燒咗燒，魚油食落會更香，加咗啲烏魚子粉調味 ▪️深海池魚 深海池魚成日都食，但今次燒到魚皮脆脆既，皮下嘅脂肪食落會更加香口，魚味重同爽身 ▪️煙燻油甘魚 睇落好華麗既煙燻油甘魚，有金箔係面，店員仲會提你開前準備錄影 ▪️平貝-好大隻既平貝，有成個手掌心咁大，口感爽實 ▪️燒平貝-燒過之後再包紫菜食,加咗七味粉會有少少辣 ▪️拖羅-拖羅配搭紫蘇葉食更香，梅醬可以減少油膩感 強肴 ▪️甘鯛立鱗燒-立鱗燒非常酥脆，有啲似薯片口感 壽司 ▪️帆立貝-相比平貝，帆立貝口感軟，但味道鮮甜 ▪️白魚-幾條白魚仔放埋一齊食，已醬油漬過 ▪️左口魚-左口魚味道較濃，配咗左口魚肝醬 ▪️炙燒白子-同平時食既白子好唔同，將白子同飯拌勻，唔同白子既口感，味道濃香 ▪️花竹蝦-蝦肉爽彈 ▪️慢煮鮟鱇魚肝-鮟鱇魚肝好出色，帶有微橙色既油脂，味道好濃郁 ▪️赤海膽- 最後一款壽司係赤海膽，味道好鮮甜 ▪️鱲魚湯-食完壽司會有一個熱湯，今日係鱲魚湯，湯呈奶白色，好濃魚鮮味 ▪️士多啤梨, 胡麻奶凍, 冧酒提子雪糕 最後甜品，有最愛既日本士多啤梨，奶凍同雪糕都好食 📍鮨舞 尖沙咀漆咸圍2-4號金時商業大廈地下8-14號舖 #熱門菜式